除咗呀 recurrent buttock abscess 之外，仲有好多人有病唔去醫，醫院唔肯去。
1. 等我講下啲Update嘅醫療資訊先。啱啱美國ACC/AHA 改咗Guideline，話而家130/80 mmHg 以上，已經算係高血壓。雖然陳局長話香港未跟住，但係以下呢個50幾歲阿叔，佢肯肯定爆錶。佢血壓 200/110 mmHg，Recheck都係咁上下。
大叔，你爆得血管啦。好，嗱嗱臨開D臨時血壓藥鎮住先，跟手打埋急症轉介信。行去同呀叔講你要去急症室。佢點勸都唔去，呀姑娘幫曬口都唔制，最多攞走張轉介信。
第二日售後服務我地打電話搵佢，但係搵唔到佢，巧驚驚。再過一日打又冇人聽。終於唔知幾多日之後搵到佢，佢話佢返左內地，而家過緊關返香港，得閒先再去急症室⋯⋯唉，呀叔都幾搏！隨時可以有事，俾着我，我會唔會想俾人送去內地D醫院⋯⋯
2. 有個20幾歲後生仔入嚟同我腳痛。佢踢波俾人踢親隻腳。見佢隻腳腫左，跟住做檢查發覺小腿骨一路摸落去，摸摸下有個位凹左。😱
同佢講照下X光好啲喎，我驚你嗰骨折。
Search